a. ศรีศรีสวัสดี ทีนี้จักกล่าวนิทานตำนานเวียงเชียงใหม่ก่อนแล ยังมีหมู 4 หมูก็มาบุ่นสระหั้นแล หมูแลหมูไหนมีบริวาร
พันตัว ตัวอยู่หนวันออกนั้นชื่อว่าปุพพจุนทะ ตัวอยู่หนใต้นั้นชื่อว่าทักขิณจุนทะ ตัวอยู่หนวันตกนั้นชื่อว่ามัชฌิมจุนทะ
ตัวอยู่หนเหนือนั้นชื่อว่าอุตตรจุนทะแล ตัวหัวทีเป็นพระยาแก่หมู 4 หมูก็ร้องเอ้ินหากับด้วยกันถูกร้องพอกันกับด้วยกัน
อยู่แล ตกเมื่อภายลูนก็มีคำวิวาทผิดเถียงกัน ก็ลวดขบกันแล้วจึงพากันหนีไปหาที่ไผที่มัน…
z. …ถมขึ้นเป็นรูปเสาอินทขีลแล เอาเสาอินทขีลขึ้นอยองบนหั้นแล้วหื้อได้สักการบูชาคู่เทื่อ จึงจักอยู่ดีมีสุขแล เถระเจ้า
ได้ยินคำอินทาธิราชเจ้าฟ้าสั่งสอนบอกกล่าวหื้อชู่ประการแล้ว ก็ลงมาบอกกล่าวหื้อคนทั้งหลายอันอยู่ขงไหในเมืองที่นี้แล้ว
ทั้งลัวะทั้งไทยก็สวะใสยินดีกับด้วยพระยาอินทาเจ้าฟ้ากับมหาเถระเจ้าผายโปรดเพื่อหื้อได้พ้นโทษอันตราย ผู้ข้าทั้งหลาย
ก็ผายข้าวตอกดอกไม้ไหว้สืบๆ ตามๆ มาตราบต่อเท่าบัดนี้ก็มีวันนั้นแล…