a. นโม ตสฺสตฺถุ สาธโว ฟังราดูราโสตุชนะสัปปุริสะ นักปราชญ์เจ้าทั้งหลายฝูงใด มีประหญาปัญญาวิสารทะอันองอาจ
จงจักตั้งโสตาประสาทหูอยู่ดาฟังยังวจนะกถา คำแห่งสัพพัญญูพระพุทธเจ้าแห่งเราจักเทศนาแก้ไขกล่าวยังเค้าเหง้าแห่ง
ปฐมมูลสักขีศักดิ์ศรีประทีษตีนกา แต่ต้นถึงปลายหื้อเป็นนิยมนิยายกับด้วยอันกฎหมายยังนามกรแห่งชื่อพระพุทธเจ้าทั้ง
5 พระองค์พี่น้อง อันเกิดร่วมแม่เดียวมาแลนา…
z. … บุคคลผู้มีศรัทธาบ่น้อยหื้อค่อยตั้งใจถี่ถ้อยฟังเอายังธรรมเทศนากาเผือกเป็นเค้าเหง้าแห่งสัพพัญญูทั้ง 5 พระองค์คำ
มูลคำหากจักนำตนตัวหญิงชายเข้าสู่ห้องอันชื่อว่าเวียงแก้วยอดอมตมหาเนรพาน แก่สูท่านทั้งหลายมวลชุคนหญิงชาย
แลนักบวชเจ้าทั้งหลาย บ่อย่าชะแล เทสนาวสาเน โสตาปตฺติผลาทีนี ปาปุณึสุ ในเมื่อแล้วแห่งธรรมเทศนาชาดกอันนี้
คนแลเทวดา(อัน)เป็นยศบริวารแห่งผุสสะพลิกะทั้ง 2 พี่น้องก็ได้โสดาปัตติผลชุคนก็มีวันนั้นแล…